Im Hotel "Zur Kaiserkrone"
sitzt a klane, dicke Nonne
und bei ihr am Nebntisch
zerteult a Nuttn grod an Fisch.
"Verzeihung" sogt die Ordnsfrau,
"dass ich so oft zu ihna schau
doch der Ring on ihrer Hond,
i muss scho sagn - ollerhand!"
Daraufhin sogt die Edelnutte:
"Den hob i gschenkt kriagt, meine Gute!
A Bankdirektor hot man brocht
fia gonz a tolle Liebesnocht...
Glaubnsas ruhig, des is ka Scherz !"
Und schliaft donn eini, in an Nerz.
Die Nonne woa gonz echauffiert:
"Den hat a a Freind spendiert?"
Die Nuttn sogt darauf: "Ja i schwör!
Den hot ma brennt a Regisseur!"
Die Nonne mant: "I konns net fossn!"
Sie gengan auße, auf die Gossn.
Do steht a Royce, und zwoa ganz neich,
"Schau" sogt die Kotz, "der is vom Scheich!
Und nächste Wochn, do verdien i
in ana Nocht an Lambourghini!"
Die Nonne sitzt beim Kerznschein
im Kloster in an Kämmerlein.
Und tuat ihre Unterhosn stopfn,
do heat si schon a leises Klopfn.
Sie geht zua Tia und flüstert: "Bist dus?"
Donn heats: "Gelobt sei Jesus Christus!"
Sie mocht die Tia auf, ziemlich gschwind,
dea Pfarra moant: "Moch auf mein Kind!"
Do schreit eam on die Ordnsschwester:
"Jetzt moch die Ohren auf, mein Bester:
Du muaßt mi net scho wieder bittn -
Geh scheißn mit de Mannerschnittn!"
